КІРУ



Аккаунтыңыз жоқ па? Тіркелу

Құпия сөзді ұмытып калдыңыз ба?

THE STATE LANGUAGE DEVELOPMENT INSTITUTE

МЕМЛЕКЕТТІК ТІЛДІ ДАМЫТУ ИНСТИТУТЫ

  ИНСТИТУТ РАЗВИТИЯ ГОСУДАРСТВЕННОГО ЯЗЫКА


АҚПАРАТТЫҚ ХАТ

Авторы: MTDI

06/12/2019 14:26   0   2207   0

Қазақстан Республикасы Білім және ғылым министрлігі

А. Байтұрсынұлы атындағы Тіл білімі институты

Абай атындағы Қазақ ұлттық педагогикалық университеті

Еуразия ғылыми-зерттеу институты

 

АҚПАРАТТЫҚ ХАТ

 

Қадірлі әріптестер!

Қазақ тіл білімінің ғылыми-теориялық негізін салушы, тұңғыш профессор, ағартушы-ғалым, аса көрнекті қоғам қайраткері Құдайберген Қуанұлы Жұбановтың туғанына 120 жыл және оның ұлы филология ғылымдарының докторы, профессор Есет Жұбановтың 90 жасқа толуына байланысты 2019 жылдың 19 желтоқсанында  Қазақстан Республикасы Білім және ғылым министрлігі А. Байтұрсынұлы атындағы Тіл білімі институты, Абай атындағы Қазақ ұлттық педагогикалық университеті және Еуразия ғылыми-зерттеу институты бірлесіп, «ҰЛЫ ДАЛА ТҰЛҒАЛАРЫ: ЖҰБАНОВТАР ТАҒЫЛЫМЫ ЖӘНЕ ЖАЗУ РЕФОРМАСЫ» атты халықаралық ғылыми-теориялық конференция өткізеді.

Конференцияда Құдайберген және Есет Жұбановтардың ғылыми зерттеулерінің басты бағыттарына қатысты қазақ тіл білімінің және жазу реформасының өзекті мәселелері қарастырылады.

Конференцияға Қазақстан, Түркия, Ресей, Башқұртстан (Уфа), Қырғызстан елдерінің тілші ғалымдары, белгілі қоғам қайраткерлері, жоғары оқу орындарының оқытушы-профессорлары, докторанттар  мен магистранттар  қатысады.

 

Конференция жұмысының негізгі бағыттары (секциялар):

·         Профессор Қ. Жұбанов пен Е. Жұбановтың тілдік тұлғасы және жұбановтанымдық зерттеулер;

·         Ұлттық жазу, орфография, латын әліпбиін оқыту мәселелері;

·         Қазақ және түркі терминологиясы, терминдерді латын графикасындағы әліпбиде орфограммалау мәселелері;

·         Қазақ тіл білімінің жаңа бағыттары рухани жаңғыру аясында;

·         Әлеуметтік лингвистика: Мемлекеттік тіл – ұлтаралық қатынас тілі;

·         Корпустық лингвистика: жиілік сөздіктер, ұлттық пернетақта және мәтіндерді латын қарпіне автоматты көшіру мәселелері;

·         Қ. Жұбановтың дидактикалық көзқарастары және қазақ тілі мен әдебиетін оқытудың  жаңа  технологиялары;

·         Қ. Жұбанов және әдебиеттану, абайтану, өнертану, мәдениеттану мәселелері;

·         Е. Жұбанов және қазақ тілінің тарихи көздері: әдеби тіл, стилистика, текстологиялық зерттеулер және т.б.

 

Конференция жұмысы қазақ, орыс және ағылшын тілдерінде жүргізіледі.

Конференция 2019 жылғы 19 желтоқсанда сағат 14.00-де Абай атындағы Қазақ ұлттық педагогикалық университеті Бас оқу ғимаратының үлкен мәжіліс залында (2-қабат, 225-ауд.) өтеді.

Конференция материалдары мақалалар жинағы түрінде жарық көреді. Конференцияға қатысушы  2019 жылдың 10 желтоқсанына дейін өзі туралы мәлімет пен мақала мазмұны туралы 3-5 сөйлемнен тұратын қысқаша аннотациясы бар мақала қолжазбасын жіберуі тиіс. Мақала соңында қазақ, орыс және ағылшын тілдерінде түйіндеме беріледі.

Мақаланың безендірілуіне қойылатын талаптар: көлемі 5 беттен аспауы тиіс, редакторы – WORD, кегль 14. Мәтіндер TIMES NEW ROMAN  қарпімен жазылуы қажет, файлдық форматы - RTF. Мақалалардың баспа мәтіні және электронды нұсқасы болуы керек. Сілтеме жасалатын әдебиет мақала ішінде реттік саны бойынша (тік жақшаның ішінде), мақала соңында толық түрде көрсетіледі. Мақала тақырыбы ортаға кіші әріппен, жартылай жуан шрифтпен (кегль 14) жазылады; одан 1 интервал төменде оң жақта автордың аты-жөні, жартылай жуан шрифтпен (кегль 14), ғылыми атағы мен дәрежесі, оның астына курсивпен жұмыс орны, қала, мемлекет атаулары көрсетіледі (кегль 12). Саны 5-тен аспайтын кілт  сөздер (ключевые слова) беріледі; парақ параметрлері: үстіңгі және астыңғы жақтары – 20 мм, сол жақ – 30 мм, оң жақ – 15 мм. Жоларалығы – 1,0 интервал.  

Мақалалар мына мекенжайда қабылданады:

Қазақстан Республикасы, Алматы қаласы, Құрманғазы көшесі 29,  320-кабинет, А.Байтұрсынұлы атындағы Тіл білімі институты.

Жауапты қабылдаушы:

А. Байтұрсынұлы атындағы Тіл білімі институты, Қолданбалы лингвистика бөлімі, Карбозова Бұлбұл, ұялы тел.: 8 7772009925, e-mail: bulakarb_83@mail.ru.

 

Конференцияға қатысушының мәліметі:

 

Аты-жөні (толығымен)

 

Жұмыс орны

 

Қызметі

 

Ғылыми атағы, дәрежесі

 

Секция

 

Мақаланың тақырыбы

 

Мекенжайы (мемлекет, қала)

 

Оқу орны, кафедрасы

 

e-mail

 

Телефон

 

Қысқаша аннотация (2-5 сөйлем)

 

Қонақ үй (керек болса)

 

 




ПІКІР АЛМАСУ

Пікір қалдырыңыз