THE STATE LANGUAGE DEVELOPMENT INSTITUTE

МЕМЛЕКЕТТІК ТІЛДІ ДАМЫТУ ИНСТИТУТЫ

ИНСТИТУТ РАЗВИТИЯ ГОСУДАРСТВЕННОГО ЯЗЫКА

Соңғы мақалалар:

Сіздің іздегеніңіз бар ма?

БАТЫРЛАР ЖЫРЫ КЕЙІПКЕРЛЕРІН БІРІЗДЕНДІРУ

ТОЛЫҒЫРАҚ

Ақпараттық хат

Авторы: MTDI

17/04/2020 11:45 0 8818 0

Ақпараттық хат

Қазақстан Республикасы Ақпарат және қоғамдық даму министрінің 2019 жылғы 25 желтоқсандағы №507 бұйрығымен бекітілген «2019 жылға Үкіметтік емес ұйымдарға гранттарды ұсыну» жоспарына сәйкес, «Лұғат» қоғамдық қоры «Азаматтық бастамаларды қолдау орталығы» КЕАҚ тапсырысымен «ҮЕҰ арасында мемлекеттік тілді ілгерілету бойынша іс-шараларды ұйымдастыру» тақырыбы бойынша мемлекеттік грант аясында Шығыс Қазақстан облысының үкіметтік емес ұйымдар арасында мемлекеттік тілді ілгерілетуге бағытталған оқыту курсын ұйымдастырады.

Шараның мақсаты: үкіметтік емес ұйымдар арасында мемлекеттік тілді дамыту, ҮЕҰ қызметінде мемлекеттік тілдің маңыздылығын арттыру.

Шара елдің 6 өңірінде Шығыс Қазақстан, Батыс Қазақстан, Ақтөбе, Солтүстік Қазақстан, Павлодар облыстары және Алматы қаласында өткізіледі. Онда мынандай мәселелер қамтылады: ҮЕҰ өкілдері үшін конкурстық өтінімдерді, жобаларды мемлекеттік тілде жазу бойынша өңірлік оқыту іс-шараларын ұйымдастыру, SMM арқылы мемлекеттік тілді насихаттау және дамыту, ҮЕҰ әлеуетін арттыру бойынша мемлекеттік тілде әдістемелік құралдарды дайындау және тарату.

Білікті мамандар сабақ беретін болады. Олар: Айтмағанбетова Шырын Әбдіғалиқызы - КИМЭП оқытушысы, Іскерлік әкімшілдік магистрі (MBA), жаттықтырушы, Әбутәліп Орынғазы Мұратұлы- филология ғылымдарының кандидаты, іс-қағаздарына қатысты бірнеше кітаптың авторы, Қапалбек Бижомарт Сейсенбекұлы - филология ғылымдарының кандидаты, Мемлекеттік тілді дамыту институтының атқарушы директоры.

Курсқа Қазақстанның 6 өңірінен 300 дей адамды қамту көзделіп отыр. Онлайн курс 28 сәуір күні өткізіледі. Курс аяқталғаннан кейін сертификат тапсырылады.