THE STATE LANGUAGE DEVELOPMENT INSTITUTE

МЕМЛЕКЕТТІК ТІЛДІ ДАМЫТУ ИНСТИТУТЫ

ИНСТИТУТ РАЗВИТИЯ ГОСУДАРСТВЕННОГО ЯЗЫКА

Соңғы мақалалар:

Сіздің іздегеніңіз бар ма?

БАТЫРЛАР ЖЫРЫ КЕЙІПКЕРЛЕРІН БІРІЗДЕНДІРУ

ТОЛЫҒЫРАҚ

«Текті сөздің төресі – терме» атты қалалық байқаудың БАСПАСӨЗ РЕЛИЗІ

Авторы: MTDI

10/09/2018 09:54 0 7130 0

Өтетін орны: Бостандық ауданы әкімі аппаратының мәжіліс залы

Өтетін уақыты: 2018 жылы 7 қыркүйек күні сағат 15.00

Алматы қаласы Тілдерді дамыту басқармасы Алматы қаласы әкімдігінің 2017 жылғы 18 мамырдағы № 2/163 «Қазақстан Республикасында тілдерді дамыту мен қолданудың 2011 - 2020 жылдарға арналған мемлекеттік бағдарламасын іске асыру жөніндегі Алматы қаласының 2016 - 2019 жылдарға арналған іс-шаралар жоспарын бекіту туралы» қаулысын жүзеге асыру мақсатында және Басқарманың 2018 жылға арналған жоспарына сәйкес «Рухани жаңғыру» бағдарламасы аясында «Текті сөздің төресі – терме» қалалық байқауын өткізеді.

Байқаудың мақсат-міндеттері: мемлекеттік тілдің қолданылу аясын кеңейту, талантты жастарды жан-жақты қолдау, «жыр-терме» ұлттық жанрын жастардың арасында кеңінен насихаттау, ұлттық жанрды жаңғырту және дамыту, қазақтың ұлттық мәдениеті мен өнерін дамыту, халық арасында ұлттық мұрамызға және рухани құндылықтарымызға деген қызығушылықты арттыру.

Байқаудың шарттары. Байқауға қатысушы үміткерлерге келесі тақырыптық бағыттар ұсынылады:

- Ел бірлігі мен қазақ жеріндегі халықтар достастығы туралы;

- Қазақстан халқын топтастырудағы тілдің маңызды рөлі туралы;

- Қазақ халқының тілі, дәстүрі, рухани құндылықтары туралы;

- Дәстүрлі өнер туралы.

Байқауға қатысушылардың өнерін бағалау кезінде олардың терме орындаушылық шеберлігіне, дауыс мәнеріне және тіл тазалығына, мәтінді таңдау талғамына, сахнада өзін-өзі ұстауына, киім сәніне баса назар аударылады.

Байқаудың жеңімпаздары бағалы сыйлықтармен марапатталады және бас жүлдені иеленген қатысушы Алматы қаласының атынан республикалық «Текті сөздің төресі – терме» конкурсына қатысады.

Байланыс телефондары: 2631527