THE STATE LANGUAGE DEVELOPMENT INSTITUTE

МЕМЛЕКЕТТІК ТІЛДІ ДАМЫТУ ИНСТИТУТЫ

ИНСТИТУТ РАЗВИТИЯ ГОСУДАРСТВЕННОГО ЯЗЫКА

Соңғы мақалалар:

Сіздің іздегеніңіз бар ма?

БАТЫРЛАР ЖЫРЫ КЕЙІПКЕРЛЕРІН БІРІЗДЕНДІРУ

ТОЛЫҒЫРАҚ

Байқоңырда 6 мектеп қазақстандық білім беру стандартына көшеді

Авторы: MTDI

27/04/2017 11:21 0 4442 0

Байқоңыр қаласында "Байкоңыр" кешеніне қатысты Қазақстан-Ресей үкіметаралық комиссия отырысы өтті. Оған ҚР тарапынан Премьер-министрдің бірінші орынбасары Бақытжан Сағынтаев, Ресей тарапынан РФ Үкіметі төрағасының орынбасары Дмитрий Рогозин қатысты дейді baq.kz-ке сілтеме жасаған businessnews.kz.

Комиссия отырысында тараптар Байқоңыр қаласы мен Ақай, Төретам елді мекендерін дамыту, ондағы әлеуметтік саланы жандандыру, «Байқоңыр» кешенін бірлесіп пайдалану бойынша Жол картасының орындалу барысы талқыланды. Айта кетейік, осы жиында «Протон-М» зымыран-тасымалдағышының ұшуын азайту мәселесі сөз етілді. Бастысы, Байқоңыр қаласында Қазақстанның экологиялық кодексі қолданылатын болды. Сондай-ақ, жұлдызды қалашықтағы 6 қазақстандық мектеп өзіміздің білім беру стандартына көшеді.

– Байқоңырда тұратын 70 мыңнан астам халықтың 65 пайызы қазақстандық азаматтар. Білім беру, денсаулық сақтау салалырында мәселелер болды. Осы жиын барысында оң шешім табуға қол жеткіздік. Енді ортақ жоба әзірлеп, желтоқсан айында өтетін екі ел президенттерінің басқосуында тиісті шешім қабылданатын болды, - деді ҚР Премьер-Министрінің бірінші орынбасары Б.Сағынтаев.

Басқосуда «Бәйтерек» ғарыш зымыран кешенінің бірлескен жобасы талқыланып, Байқоңыр кешені бойынша Қазақстан-Ресей үкіметаралық комиссиясы туралы ережеге қол қойылды. Тараптар «Байқоңыр» космодромынан зымырандарды ұшыру барысында апаттар орын алған жағдайда өзара әрекет ету мәселелеріне, жер телімдерін қолдану және Байқоңыр қаласының статусына қатысты халықаралық келісімдерге қол қою туралы мәмілеге келді. Кездесу нәтижесінде тараптар Қазақстан мен Ресей ғарыш саласында ынтымақтастықты әрі де тереңдете түсуге ынталы екенін атап өтті.