THE STATE LANGUAGE DEVELOPMENT INSTITUTE
МЕМЛЕКЕТТІК ТІЛДІ ДАМЫТУ ИНСТИТУТЫ
ИНСТИТУТ РАЗВИТИЯ ГОСУДАРСТВЕННОГО ЯЗЫКА
Соңғы мақалалар:
Алматы қаласы әкімі аппараты Тілдерді дамыту және ономастика бөлімінің тапсырысымен Мемлекеттік
тілді дамыту институты «Сәбилерді
сөйлетейік» атты республикалық байқау
жариялайды.
Байқаудың мақсаты: 3-6
жас аралығындағы бүлдіршіндерге арналған бейнеролик түсіру арқылы балалардың
Мемлекеттік тілде еркін сөйлеуіне көмектесу. Сондай-ақ, әлеуметтік желілерде балаларға
арналған қазақ тіліндегі видеоконтенттің санын арттыру.
Байқаудың міндеті:
3-6 жас аралығындағы бүлдіршіндерге арнап, видеолар ұсыну арқылы, бүлдіршіндердің
қазақша сөйлеу тілін дамыту;
Түсірілетін бейнероликтің тақырыбында бүлдіршіндердің айналасындағы
зат есімдерді, қимыл әрекет атауларын білуін көздеу;
Түсірілген өнімдерде жыл мезгілдерін, мезгіл үстеулерді және сын есімдерді
қамту;
Әлеуметтік желілерде қазақ
тіліндегі видеоконтенттердің санын арттыру, үй жануарлары мен жабайы аңдардың
атын атап, ажырата білуге үйрету;
Видеоконтент жасау барысында түстерді, сандарды, дене мүшелері
атауларын ажырата алуды үйрету;
Байқауға қатысушылар:
3-6 жас аралығындағы бүлдіршіндерге арналған қазақша бейнеролик түсіретін кез-келген
Қазақстан азаматы мен азаматшасы (баланың әке-шешесі, ата-әжесі, аға-әпкесі, тәрбиешісі,
т.б.) қатыса алады.
Байқаудың шарттары: Төмендегі
тақырыптардың біреуін қамти отырып баланың ойнау барысын, ойыншықтарына шолу
жасауын немесе кәсіби емес камерамен-ақ,
анимация түрінде қазақша сапасы жақсы
бейнеролик түсіріп, видеоконтентті #сәбилердісөйлетейік
хэштегімен өз инстаграм парақшаңызға немесе YouTube
желісіндегі Shorts функциясына жүктеуіңіз қажет. Инстаграм парақшаңызға
жүктеу барысында міндетті түрде Мемлекеттік тілді дамыту институтының @_mtdi_
инстаграм парақшасына жазылып, видеоконтетке @_mtdi_ белгілеуіңіз керек.
Ескерту: Парақшаңыз ашық болуы керек және жүктелген видеоңыз сапалы әрі
3 минуттан аспауы тиіс. Өнім мына тақырыптардың біріне түсірілу керек.
- - Қоршаған заттардың атын атау;
(Мыс: бұл кітап, мынау қаламсап)
- - Қажетті қимыл, іс-әрекеттер
бойынша кездесетін сөздерді білу; (Мыс: барамын, келемін, ұйықтады, ойнады)
- - Кемі 20-ға дейін санау;
- - Түстерді ажырата білу;
- - Ауыр, жеңіл, сұйық, қатты, т.б.
сын есімдерді ажырата алу;
- - Үй жануарлары мен жабайы
аңдардың атын атап, ажырата айту;
- - Жыл мезгілдері мен мезгіл үстеулерді
білу;
- - Дене мүшелерін ажырата айту
(бас, қол, аяқ, т.б.);
Байқау қорытындысы инстаграм парақшасындағы және
YouTube желісіндегі Shorts функциясына жүктелген видеоның
қаралымы, сапасы, формасы, лүпіл және пікірді санау (коментарий) арқылы
анықталады.
Байқаудың жүлдесі: Озық
шыққан видеороликтердің иелері Алматы қаласы әкімдігі атынан Мақтау қағазы мен
ақшалай сыйлықтарға ие болады.
Байланыс телефондары: Мемлекеттік тілді дамыту институты. Айдана 8 775 908 3633, Луиза 8 707 781 0231
ПІКІР АЛМАСУ
12/04/2024 15:42
«МЕМЛЕКЕТТІК ТІЛДІҢ ҚОЛДАНЫЛУЫ, ОҚЫТЫЛУЫ, ЗЕРТТЕЛУІ» атты дөңгелек үстел өтті
|
ТЕКСТ