THE STATE LANGUAGE DEVELOPMENT INSTITUTE

МЕМЛЕКЕТТІК ТІЛДІ ДАМЫТУ ИНСТИТУТЫ

ИНСТИТУТ РАЗВИТИЯ ГОСУДАРСТВЕННОГО ЯЗЫКА

Соңғы мақалалар:

Сіздің іздегеніңіз бар ма?

БАТЫРЛАР ЖЫРЫ КЕЙІПКЕРЛЕРІН БІРІЗДЕНДІРУ

ТОЛЫҒЫРАҚ

Абай ұлттық мектебіндегі кездесу

Авторы: MTDI

04/02/2026 10:34 0 193 0

2026 жылдың 27 қаңтар күні Мемлекеттік тілді дамыту институтының атқарушы директоры Бижомарт Қапалбек және институттың ғылыми қызметкері Мәдина Исенбай Абай ұлттық мектебіне барып, қазақ тілі мен әдебиетін оқытудың мақсаты мен білім мазмұнына қатысты ғылыми әдістемелік бағдар беру мақсатында оқушылармен кездесу өткізді.

Абай ұлттық мектебі 1957 жылы республика көлемінде ауыл балаларына арналған мектеп-интернат болып ашылған. Бұдан соң Ы.Алтынсарин атындағы Педагогикалық ғылыми-зерттеулер институтының эксперименттік базасы ретінде 1988 жылдың тамызына дейін жұмыс істеді. 1988-1989 оқу жылынан бастап, Қазақ тілі мен әдебиетін тереңдете оқытатын орта мектеп-интернат ретінде жұмысын жалғастырды. Қазақстан Республикасы Үкіметінің 1999 жылғы 19 қазанда қабылдаған №1754 «Қазақстан Республикасы Білім және ғылым министрлігінің мәселелері» қаулысына сай қайта құрылып, 2003 жылғы 1 тамыздағы №774 қаулысының негізінде «Республикалық мамандандырылған дарынды балаларға арналған қазақ тілі мен әдебиетін тереңдете оқытатын орта мектеп-интернаты» болып аты өзгертілді. Қазақстан Республикасы Үкіметінің 2006 жылғы 31 мамырындағы №480 қаулысымен Абай есімі беріліп, «Абай атындағы Республикалық мамандандырылған дарынды балаларға арналған қазақ тілі мен әдебиетін тереңдете оқытатын орта мектеп-интернаты» мемлекеттік мекемесі болды. 2020 жылдан гуманитарлық бағыттағы Абай мектептері желісінің ресурстық орталығы ретінде қызмет етіп келеді.

Бұл оқу орнынан бүгін елге танымал талай азаматтар шыққан. Композитор Кеңес Дүйсекеев мектептің алғашқы түлектерінің бірі еді. ҰҚК басқарған Әділ Шаяхметов, қоғам қайраткері Талғат Мамашев, әскери қол¬басшы Мәлік Сапаров, бүгінгі қайраткерлер Мәулен Әшімбаев, Дархан Қыдырәлі, Айдос Үкібай т.б.

Ел таныған журналистер – Бекен Нұрахметов, Сәкен Битай (марқұм), Нұрлан Окаұлы, Серік Қалиев, Ақтолқын Құлсариева, Айнаш Есали, Зәуре Захан¬қызы, Саламат Омаш, Ғалмұрат Жүкел, Дәулеткерей Кәпұлы, Айбын Шағалақов, Мұрат Есжан, Нұрділда Ораз, Рауан Оқас, Гүлмира Әбіқай, Гүлмира Нәлібай, Манас Қайыртайұлы, Данияр Меңілбеков, Мейрамгүл Мәдәлі, Танагөз Толқын¬қызы, Марлан Жиенбай, Ардагер Уайдин.

Кәсіпкерлер Дулат Тастекей, Нұржан Өкімбаев, Аманжол Рысмендиев, БАӘ-дегі елші Мадияр Меңілбеков, желтоқсаншы Құр-манғазы Рахметов – осы мек¬теп¬тің түлек¬тері. Әншілер Тамара Асар, Тоқтар Серіков, Ақбота Керім¬бекова, Нұрлан Албан, Бейбіт Қорған, Мақсат Рахмет және т.б. Ал ұзақ жылдар бойы осы мек¬тепте оқушыларды білім нәрімен сусын¬датқан Орынша апайды ғылыми-педа¬го¬гика мамандары түгелге дерлік біледі.

Кездесу барысында Бижомарт Қапалбек қазақ тілі мен әдебиетін оқытудың негізгі мақсатына тоқталып, қазақ тілін меңгертудегі басты ұстанымдар, тілдік нормаларды дұрыс қолдану, сөз мәдениеті мен сауатты жазудың маңызы жөнінде кеңінен түсіндірді. Оқушылар Мәдина Исенбайға сөйлем талдау жөнінен және түрлі республикалық байқаулардың тапсырмаларын еңсерудің жолдары жөнінде сұрақтар қойды, ақыл-кеңес алды. Өз қазақ тілі мен әдебиетін жан-жақсы білетін, сөйлеу мен жазуды жақсы меңгерген оқушылардың болашақта қай салада болмасын білікті маман болып қалыптасатынын, кез келген ортада өз ойын сауатты жеткізе алатын, бәсекеге қабілетті тұлға болатынына сенеміз.